ద్విచక్ర వాహనాన్ని ఢీకొన్న కారు.. ఇద్దరికీ తీవ్ర గాయాలు

నందిగం మండలం గొల్లూరు జాతీయ రహదారి వద్ద మంగళవారం జరిగిన రోడ్డు ప్రమాదంలో పెంటూరు గ్రామానికి చెందిన సనపల గోవింద్, ప్రగడ బాలకృష్ణ తీవ్రంగా గాయపడ్డారు. పెంటూరు గ్రామం నుంచి బైక్ పై కోటబొమ్మాళి వైపు వెళ్తున్న వీరిని వెనుక నుంచి ఓ కారు బలంగా ఢీకొనడంతో ప్రమాదం జరిగింది. క్షతగాత్రులను చికిత్స నిమిత్తం టెక్కలి జిల్లా ఆసుపత్రికి తరలించారు. ఇదే ప్రమాదంలో ఆ కారును వెనుక నుంచి లారీ ఢీకొట్టినట్టు సమాచారం.