సోంపేట: జాతీయ రహదారిపై బోల్తా పడిన పోలీస్ కారు

సోంపేట మండలం పాలవలస సమీపంలో శనివారం రాత్రి రోడ్డు ప్రమాదం జరిగింది. ఇచ్ఛాపురంలో గంజాయితో పోలీసులకు చిక్కిన ముద్దాయిని శ్రీకాకుళం కోర్టుకు తరలిస్తుండగా కారు టైరు పేలడంతో అదుపుతప్పి గాలిలో మూడు పల్టీలు కొట్టింది. ఈ ప్రమాదంలో కార్లో ఉన్న ఇద్దరు పోలీసులతో పాటు ముద్దాయి స్వల్ప గాయాలతో బయటపడ్డారు. ఈ సమయంలో అటుగా భారీ వాహనాలు రాకపోవడంతో పెను ప్రమాదం తప్పింది.