గుంతల మయంగా శ్రీకాకుళం - ఆమదాలవలస రహదారి

శ్రీకాకుళం-ఆమదాలవలస రహదారి చింతాడ, వాకలవలస, కొత్త రోడ్డు ప్రాంతాల్లో పెద్ద పెద్ద గోతులు కావడంతో ప్రయాణికులు, వాహన చోదకులు తీవ్ర ఇబ్బందులు పడుతున్నారు. ఈ రహదారిలో ఎంతోమంది ప్రాణాలు కోల్పోయారు. వందల మంది క్షతగాత్రులయ్యారు. అధికారులు తక్షణమే స్పందించి గుంతలు పూడ్చాలని ప్రయాణికులు కోరుతున్నారు. గత రెండు సంవత్సరాలకు పైగా ఈ పరిస్థితి ఇక్కడ ఇలా కొనసాగుతూనే ఉంది. దీనిపై నేతలు స్పందించాలని కోరుతున్నారు.