నాగాలాపురం: ముగిసిన గ్రంథాలయ వారోత్సవాలు

సత్యవేడు నియోజకవర్గం నాగలాపురం శాఖ గ్రంథాలయంలో ఈ నెల 14వ తేదీ నుంచి జరిగిన గ్రంథాలయ వారోత్సవాలు బుధవారం ముగిశాయి. ఈ సందర్భంగా విద్యార్థులకు నిర్వహించిన వివిధ రకాల పోటీల్లో గెలుపొందిన వారికి ఎంఈఓ బాబయ్య ఆధ్వర్యంలో బహుమతులు అందజేసినట్లు గ్రంథాలయ అధికారి హరి తెలిపారు. విద్యార్థులు నిత్యం గ్రంథాలయాలకు వెళ్లి జ్ఞానం పెంపొందించుకునే విధంగా తమకు కావలసిన పుస్తకాలను చదవాలని ఎంఈఓ సూచించారు.