శ్రీకాళహస్తి: తొండమాన్ పురంలో ఏకాదశి వేడుకలు

వైకుంఠ ఏకాదశి సందర్భంగా శ్రీకాళహస్తి నియోజకవర్గం తొండమాన్ పురంలో వెలసిన శ్రీదేవి, భూదేవి సమేత అభయ వెంకటేశ్వర స్వామిని భక్తులు శుక్రవారం దర్శించుకున్నారు. ఈ సందర్భంగా స్వామివారికి ధనుర్మాస పూజ, బాల భోగము, శుక్రవారం సందర్భంగా ఏకాంత అభిషేకం, వెండి పుష్పాలతో విశేష పూజలు చేయడం జరిగిందని ఆలయ అర్చకులు రమణాచార్యులు తెలిపారు. భక్తులు స్వామి వారిని ఏడు ద్వారాలు గుండా దర్శించుకుని తీర్థప్రసాదాలు స్వీకరించారు.