భూములు ఆక్రమించిన వారిపై చర్యలు తీసుకోవాలి

రామభద్రపురం మండల పరిధిలోని తారాపురం గ్రామ సరిహద్దులో.. దేవుడు పేరిట దానంగా ఇచ్చిన ఇనాం భూములను ఆక్రమించిన వారిపై కఠిన చర్యలు తీసుకోవాలని గ్రామస్థులు డిమాండ్ చేశారు. ఈ మేరకు ఏంఆర్ఓ సులోచనారాణికి వినతిపత్రం అందించారు. గ్రామంలోని చింతాలమ్మ, దేశమ్మతల్లి, బంగారమ్మ తల్లులకు పూర్వీకుల నుంచి దేవుడు మాన్యం వితరణ రూపంలో ఉందని ఇటీవల కొందరు ఆక్రమించుకొని విక్రయాలు జరిపారని వారిపై చర్యలు తీసుకోవాని కోరారు.