మాజీ మంత్రి పడాల అరుణను పరామర్శించిన ఎస్ కోట జనసేన నాయకులు

గజపతినగరం మాజీ ఎమ్మెల్యే, మాజీ మంత్రి పడాల అరుణ కుమారుడు శరత్ అనారోగ్య కారణాలతో ఆదివారం మృతి చెందడం తెలిసిందే. ఈ మేరకు ఎస్. కోట నియోజకవర్గ జనసేన పార్టీ నాయకులు ఒబ్బిన సన్యాసినాయుడు సోమవారం పడాల అరుణను పరామర్శించారు. ఈ మేరకు ఆయన తన ప్రగాఢ సానుభూతిని తెలుపుతూ ఓదార్చారు. శరత్ ఆత్మకు శాంతి చేకూరాలని ఆకాంక్షించారు. కార్యక్రమంలో జనసేన నాయకులు కొల్లి సురేంద్ర తదితరులు పాల్గొన్నారు.