అనంతగిరి: అస్వస్థతకు గురైన ఎంపీడీవోను డోలిలో తరలింపు

అనంతగిరి మండలం గుమ్మ పంచాయతీ పరిధి కర్రిగుడకి చెందిన మహిళ సుక్రమ్మ డోలిలో మార్గమధ్యలో గురువారం మృతి చెందిన విషయం తెలిసిందే. అల్లూరి జిల్లా కలెక్టర్ ఆదేశాల మేరకు అనంతగిరి ఎంపీడీవో కుమార్ తమ సిబ్బంది గురువారం కర్రిగుడలో సందర్శించారు. తిరుగు ప్రయాణంలో ఎంపీడీవో కుమార్ కు రక్తపోటు రావడంతో అపస్మారస్థితికి చేరుకున్నారు. దీనితో గ్రామస్తులు గురువారం రాత్రి డోలికట్టి ఎంపీడీవోను గుమ్మ వరకు మోసుకొచ్చారు.