జంగారెడ్డిగూడెం: బస్సు ఢీకొని వృద్ధురాలు మృతి

ఏలూరు జిల్లా, జంగారెడ్డిగూడెం పట్టణంలో గురువారం విషాదం చోటుచేసుకుంది. ఆర్టీసీ బస్టాండ్ వద్ద గుర్తు తెలియని వృద్ధురాలు బస్సు కిందపడి మృతి చెందారు. మృతురాలు పట్టణంలో భిక్షాటన చేస్తున్నట్లు సమాచారం. మితిమీరిన వేగంతో ఆర్టీసీ బస్సు రావడంతో ప్రమాదం జరిగిందని స్థానికులు చెబుతున్నారు. ఘటనా స్థలానికి పోలీసులు చేరుకొని దర్యాప్తు చేపట్టారు.