ఏలూరు: రోడ్డు ప్రమాదంలో వ్యక్తి మృతి
ఏలూరు ఆశ్రమ ఆసుపత్రి వద్ద బుధవారం జాతీయ రహదారిపై ఆగి ఉన్న లారీని మినీ వ్యాన్ వెనుక నుంచి ఢీ కొట్టిన ఘటనలో మినీ వ్యాన్ డ్రైవర్ అక్కడికక్కడే మృతి చెందాడు. దెందులూరు నుంచి ఏలూరు వైపు వెళుతుండగా ఈ ప్రమాదం జరిగింది. క్యాబిన్ లో ఇరుక్కుపోయిన మినీ వ్యాన్ డ్రైవర్ ను జేసీబీ సాయంతో బయటకు తీశారు. మృతుని వివరాలు తెలియాల్సి ఉంది. దీనిపై పోలీసులు కేసు నమోదు చేసి దర్యాప్తు చేస్తున్నారు.
