గడిచిన 32 నెలల్లో 48 మంది జవాన్లు మృతి

జమ్ముకాశ్మీర్‌లోని జమ్ము ప్రాంతంలో గత 32 నెలల్లో ఎన్‌కౌంటర్‌లలో మరణించిన మొత్తం జవాన్ల సంఖ్య 48కి చేరినట్లు అధికారులు తెలిపారు. దొడా జిల్లాలో సోమవారం జరిగిన ఎన్‌కౌంటర్‌లో ఓ ఆర్మీ అధికారి సహా నలుగురు జవాన్లు మరణించిన సంగతి తెలిసిందే. అధికారుల సమాచారం ప్రకారం.. దొడా ప్రాంతంలో ఉగ్రవాదులు సంచరిస్తున్నారనే పక్కా సమాచారం మేరకు భారత ఆర్మీ, జమ్ముకాశ్మీర్‌ పోలీసులు సంయుక్తంగా ఆపరేషన్‌ చేపట్టారు.