భీమారం: కారు ఢీకొని పాఠశాల బస్సు డ్రైవర్ మృతి

భీమారం మండల కేంద్రంలోని ఇప్పలబొగుడ వద్ద జాతీయ రహదారిపై బుధవారం జరిగిన ప్రమాదంలో ఓ ప్రైవేటు పాఠశాల బస్సు డ్రైవర్ ఆకుదారి మల్లేష్ (28) మృతి చెందినట్లు ఏసిపి వెంకటేశ్వర్ తెలిపారు. మోటార్ సైకిల్ పై వెళ్తున్న మల్లేష్ ను వెనుక నుంచి కారు అతివేగంగా ఢీ కొట్టింది. దీంతో కిందపడి తీవ్రంగా గాయపడిన మల్లేష్ ను 108 అంబులెన్స్ లో ఆసుపత్రికి తరలిస్తుండగా మృతి చెందాడు.