వైమానిక దాడి.. 40 మంది మృతి!

మయన్మార్‌లో ఉద్రిక్తతలు రోజు రోజుకు పెరుగుతోన్నాయి. తాజాగా పశ్చిమ రఖైన్ రాష్ట్రంలో రామ్రీ ద్వీపంలో అరకాన్‌ ఆర్మీ ఆధీనంలో ఉన్న క్యౌక్‌ నీ మావ్‌ అనే గ్రామంపై సైన్యం వైమానిక దాడులకు తెగబడింది. ఈ ఘటనలో కనీసం 40మంది మృతిచెందగా.. 20 మందికి పైగా గాయపడినట్లు స్థానిక స్వచ్ఛంద సంస్థ అధికారులు వెల్లడించారు. దీంతో గ్రామంలో తీవ్ర విషాదకర పరిస్థితులు నెలకొన్నాయి.