రైలును పట్టాలు తప్పించేందుకు మరో కుట్ర

దేశంలో రైళ్లను పట్టాలు తప్పించేందుకు కుట్రపూరిత ప్రయత్నాలు జరుగుతున్నాయి. తాజాగా ఉత్తరప్రదేశ్‌లోని రాయ్‌బరేలీలో మరో ఘటన వెలుగు చూసింది. బుధవారం లక్ష్మణ్‌పూర్‌లో రైలు పట్టాలపై దుండగులు పెద్ద సిమెంట్‌ దిమ్మెలను ఉంచారు. ఆ ట్రాక్‌పై వెళ్లిన ఓ గూడ్స్‌ రైలు సిమెంట్‌ దిమ్మెలను ఢీ కొట్టింది. అయితే ఎలాంటి ప్రమాదం జరగకపోవడంతో అంతా ఊపిరి పీల్చుకున్నారు. రైల్వే ప్రొటెక్షన్‌ ఫోర్స్‌ ఈ ఘటనపై కేసు నమోదు చేసి దర్యాప్తు చేపట్టింది.