బాలరాముడి మరో ఫొటో వైరల్

ఈనెల 22న అయోధ్య రామమందిర ప్రాణప్రతిష్ఠ కార్యక్రమం అంగరంగ వైభవంగా జరగనుంది. గర్భగుడిలోకి రామ్‌లల్లా(బాలరాముడు) ప్రవేశించారు. 51 అంగుళాల ఐదేళ్ల రామ్‌లల్లా విగ్రహం ఎలా ఉండనుందో అనే ఉత్కంఠ భక్తుల్లో నెలకొంది. ఈ క్రమంలో ముఖానికి వస్త్రం ధరించి ఉన్న అయోధ్య రామయ్య ఫొటోలు మరిన్ని బయటకు వచ్చాయి. ప్రస్తుతం ఈ ఫొటోలు నెట్టింట వైరల్‌గా మారాయి. కాగా, స్వామివారి నిజరూప దర్శనం ప్రాణప్రతిష్ఠ అనంతరం మాత్రమే చూసే వీలుంది.