AP: అర్ధరాత్రి హాస్టల్‌లో క్షుద్ర పూజలు.. విద్యార్థిని జుట్టు కత్తిరించి

AP: కర్నూలు జిల్లా బి.తాండ్రపాడు సమీపంలో ఉన్న ఎస్సార్ జూనియర్ కాలేజీ అమ్మాయిల హాస్టల్‌లో క్షుద్ర పూజలు కలకలం రేపాయి. నంద్యాల జిల్లా సున్నిపెంటకు చెందిన ఓ విద్యార్థిని ఆదివారం అర్ధరాత్రి సమయంలో హాస్టల్ గదిలో నిద్రిస్తుండగా గుర్తు తెలియని దుండగులు జుట్టు కత్తిరించి కుడి చెయ్యి మణికట్టుపై కత్తితో గాయపరిచారు. దీంతో బాలిక గట్టిగా కేకలు వేయడంతో నిందితులు పారిపోయారు. బాధితురాలైన విద్యార్థిని ఫోటో చుట్టూ నిమ్మకాయలు ఉంచి 'ఐ విల్ కిల్ యూ' అంటూ ఉన్న లేఖను అక్కడే వదిలేసి వెళ్లారు.