అక్రమంగా తరలిస్తున్న రూ.15 లక్షల విలువైన రేషన్ బియ్యం పట్టివేత

ఏపీలో పేదలకు అందాల్సిన రేషన్ బియ్యాన్ని కేటుగాళ్లు పక్కదారి పట్టిస్తున్నారు. ఇటీవల కాకినాడ పోర్టులో రేషన్ బియ్యం స్మగ్లింగ్ అంశం కలకలం రేపింది. తాజాగా మైదుకూరు నుంచి నెల్లూరుకు అక్రమంగా తరలిస్తున్న బియ్యాన్ని రెవెన్యూ ఎన్ఫోర్స్ మెంట్ అధికారులు పట్టుకున్నారు. బియ్యం తరలిస్తున్న లారీని బద్వేలు వద్ద అదుపులోకి తీసుకున్నారు. లారీలో ఉన్న రూ. 15 లక్షల విలువైన 600 బస్తాల బియ్యాన్ని అధికారులు సీజ్ చేశారు.