బాలకృష్ణ యాక్షన్‌ @ రాజస్థాన్‌

నందమూరి బాలకృష్ణ హీరోగా సితార ఎంటర్‌టైన్‌మెంట్స్‌ పతాకంపై ఓ చిత్రం తెరకెక్కుతోంది. బాబీ దర్శకత్వం వహిస్తున్నారు. బాలకృష్ణ నటిస్తున్న 109వ చిత్రం ఇది. ఈ నెల 21 నుంచి రాజస్థాన్‌లో కీలక సన్నివేశాల్ని తెరకెక్కించనున్నారు. పోరాట ఘట్టాలు, టాకీ సన్నివేశాల్ని చిత్రీకరించనున్నారు. సూర్యదేవర నాగవంశీ, సాయిసౌజన్య కలిసి నిర్మిస్తుండగా, బాలీవుడ్‌ నటుడు బాబీ దేవోల్‌ ప్రతినాయక పాత్రని పోషిస్తున్నారు. సంగీతం తమన్, ఛాయాగ్రహణం విజయ్‌ కార్తీక్‌ అందిస్తున్నారు.