లెక్చరర్‌గా అధ్యాపక జీవితం ప్రారంభం

సినారె సికింద్రాబాద్‌ కళాశాలలో లెక్చరర్‌గా చేరి తన అధ్యాపక జీవనాన్ని ప్రారంభించారు. ‘ఆధునికాంధ్ర కవిత్వం, సంప్రదాయము ప్రయోగాలు’ అంశంపై పరిశోధన చేసి పీహెచ్‌డీ పట్టా పొందారు. ఉస్మానియా విశ్వవిద్యాలయంలో పనిచేస్తూ లెక్చరర్‌ నుంచి రీడర్‌గా, ప్రొఫెసర్‌గా పదోన్నతులు పొందారు. ఆ తర్వాత అధికార భాషా సంఘం అధ్యక్షులుగానూ, ఓపెన్‌ యూనివర్సిటీ వైస్‌ ఛాన్సలర్‌గానూ, తెలుగు విశ్వవిద్యాలయం వైస్‌ ఛాన్సలర్‌గానూ తన విశిష్ట సేవలను అందించారు.