7 కి.మీ డోలీలో మోసుకెళ్లినా ప్రాణం దక్కలేదు (వీడియో)

అల్లూరి జిల్లా అనంతగిరి మండలంలో సరైన రోడ్లు లేక ప్రజలు తీవ్ర అవస్థలు పడుతున్నారు. మంగళవారం పెదకోట పంచాయతీ మడ్రేబు గ్రామానికి చెందిన చిలకమ్మ అనే వృద్ధురాలు అనారోగ్యానికి గురి కావడంతో డోలీలో మోస్తూ 7 కి.మీ నడిచి దేవరపల్లి ఆసుపత్రికి తరలించారు. అయినా ప్రాణం దక్కలేదు. తమ ఊర్లకు సరైన రోడ్లు లేకపోవడం వల్ల గతంలోనూ అనేక మంది చనిపోయారని ఆదివాసీలు ఆవేదన వ్యక్తం చేశారు. ఇప్పుడైన అధికారులు స్పందించి రోడ్లు వేయాలని కోరుతున్నారు.