టూరిస్టు బస్సుపై చిరుత దాడి.. షాకింగ్ వీడియో

కర్నాటకలో షాకింగ్ ఘటన చోటు చేసుకుంది. అక్కడి బన్నెరఘట్ట బయోలాజికల్ పార్క్ లో టూరిస్టు బస్సుపై చిరుత దాడి చేసింది. దీనికి సంబంధించిన వీడియో వైరలవుతోంది. పర్యాటకులతో కూడిన ఓ బస్సు పార్క్ లోకి ప్రవేశించగా ఒక్కసారిగా చిరుత దానిపైకి దూసుకొచ్చింది. బస్సు వెనుక కిటికీపైకి ఎక్కి లోపలికి వెళ్లేందుకు ప్రయత్నించింది. పర్యాటకులు కేకలు వేయడంతో కిందకు దిగింది. బస్సు ముందుకు వెళ్లినా వెంబడించి అందులో ఉన్న వారిపై దాడికి యత్నించింది.