సంక్షేమ హాస్టళ్లలోని విద్యార్థుల సమస్యలు తెలుసుకోవడానికి 'ఫిర్యాదుల పెట్టె' ఏర్పాటు చేసిన కలెక్టర్

సంక్షేమ హాస్టళ్లలో నివసించే విద్యార్థుల సమస్యలను తెలుసుకోవడానికి వరంగల్ జిల్లాలోని ఎస్సీ, ఎస్టీ, బీసీ, మైనార్టీ సంక్షేమ వసతి గృహాలు, కస్తూర్బా విద్యాలయాల్లో ఆ జిల్లా కలెక్టర్ డా.సత్యశారద ఫిర్యాదు పెట్టెలను ఏర్పాటు చేశారు. ఇకపై విద్యార్థులు తమ సమస్యలను చీటీపై రాసి పెట్టెల్లో వేస్తే, తనిఖీల వేళ కలెక్టర్ స్వయంగా ఫిర్యాదు పెట్టెలను తెరిచి చీటీలను చూస్తారు. వాటి తాళాలు కూడా కలెక్టర్ వద్దే ఉంటాయి.