యూపీలో ఘోర రోడ్డు ప్రమాదం.. ఆరుగురు మృతి!

ఉత్తరప్రదేశ్‌లోని బల్లియాలో జరిగిన ఘోర రోడ్డు ప్రమాదంలో ఆరుగురు మృతి చెందారు. హల్దీ ప్రాంతంలోని సుగర్ ఛప్రా మలుపు వద్ద అదుపుతప్పిన పికప్ వ్యాన్‌ రెండు కమాండర్ జీపులను ఢీకొంది. ఈ ప్రమాదంలో ఆరుగురు అక్కడికక్కడే మృతి చెందారు. ఈ ఘటనలో పలువురు తీవ్రంగా గాయపడ్డారు. సమాచారం అందుకున్న పోలీసులు సంఘటనా స్థలానికి చేరుకుని, క్షతగాత్రులను ఆస్పత్రికి తరలించారు. ఈ ప్రమాదంలో ఆరుగురు మృతి చెందినట్లు పోలీసు సూపరింటెండెంట్ తెలిపారు.