మహారాష్ట్రలో విషాదకర ఘటన చోటు చేసుకుంది. తన ఫోన్లో ‘స్నాప్చాట్’ యాప్ డౌన్లోడ్ చేయవద్దని తండ్రి చెప్పాడని ఓ మైనర్ ఆత్మహత్య చేసుకుంది. థానే జిల్లా డోంబివాలి ప్రాంతంలోని నీల్జేలో నివాసముంటున్న ఓ తండ్రి తన 16 ఏళ్ల కుమార్తెకు ఫోన్ కొనిచ్చారు. ఆమె ఆ ఫోన్లో ‘స్నాప్చాట్’ డౌన్లోడ్ చేసుకోవాలని చూడగా తండ్రి నిరాకరించారు. దీంతో మనస్థాపానికి గురైన బాలిక శుక్రవారం ఫ్యాన్కు ఉరివేసుకుని ఆత్మహత్య చేసుకుంది. ఘటనపై పోలీసులు కేసు నమోదు చేశారు.