నిర్మాణంలో ఉన్న కాటేజీ పైకప్పు కూలి ఐదుగురి మృతి

మధ్యప్రదేశ్‌లోని ఇండోర్ జిల్లాలో ఘోర ప్రమాదం జరిగింది. నిర్మాణంలో ఉన్న రిసార్ట్ కాటేజీ పైకప్పు స్లాబ్ కూలిపోవడంతో ఐదుగురు కార్మికులు మృతిచెందారు. గురువారం రాత్రి కార్మికులు నిద్రపోతున్న సమయంలో ఈ దుర్ఘటన చోటుచేసుకుంది. సమాచారం అందుకున్న పోలీసులు ఘటనా స్థలికి చేరుకుని మృతదేహాలను స్వాధీనం చేసుకున్నారు. ఈ ఘటనపై పోలీసులు కేసు నమోదు చేసుకుని దర్యాప్తు ప్రారంభించారు.