ఆసుపత్రిని తనిఖీ చేసిన కలెక్టర్

ప్రభుత్వ ఆసుపత్రులపై ప్రజలకు నమ్మకం పెంచేలా రోగులకు నాణ్యమైన వైద్యం అందించాలని కలెక్టర్ సిక్తా పట్నాయక్ అన్నారు. బుధవారం ధన్వాడ మండల కేంద్రంలోని ప్రాథమిక ఆరోగ్య కేంద్రాన్ని ఆకస్మికంగా తనిఖీ చేశారు. ఈ సందర్భంగా రికార్డులను హాజరు రిజిస్టర్ ను పరిశీలించారు. సిబ్బంది వివరాలను అడిగి తెలుసుకున్నారు. వార్డులలో చికిత్సలు తీసుకుంటున్న రోగులతో మాట్లాడి అందుతున్న వైద్య సేవల గురించి తెలుసుకున్నారు.