గల్ఫ్‌ బాధిత కుటుంబాలకు అండగా ప్రభుత్వం

ఉపాధి కోసం గల్ఫ్‌ దేశాలకు వెళ్లి మృతిచెందిన బాధిత కుటుంబాలకు తెలంగాణ ప్రభుత్వం ఆసరాగా నిలుస్తోంది. ఎన్నికల సమయంలో హామీ ఇచ్చినట్లుగా రూ.5 లక్షల చొప్పున ఎక్స్‌గ్రేషియా అందజేస్తూ తాజాగా నిధులు విడుదల చేసింది. 2023 డిసెంబరు 7 నుంచి ఇప్పటివరకు గల్ఫ్ దేశాల్లో మరణించిన వారి జాబితా సేకరించి రాష్ట్రంలో 15 జిల్లాలకు రూ.6.45 కోట్లు విడుదల చేస్తూ ఉత్తర్వులు జారీ చేసింది. ఇందులో ఉమ్మడి కరీంనగర్ జిల్లాకు చెందిన 44 కుటుంబాలకు రూ.2.20 కోట్లు అందనున్నాయి.