కెన్యాలో భారీ వర్షాలకు 13 మంది మృతి (వీడియో)

ఆఫ్రికా దేశమైన కెన్యాను భారీ వర్షాలు అతలాకుతలం చేస్తున్నాయి. కెన్యాలోని వివిధ ప్రాంతాల్లో కురుస్తున్న భారీ వర్షాల కారణంగా ఇప్పటివరకు 13 మంది మృతిచెందారు. సుమారు 15 వేల మంది నిరాశ్రయులయ్యారు. ఉత్తర కెన్యాలోని గరిస్సా రోడ్డు సహా ఐదు ప్రధాన రహదారులు వరదల కారణంగా దెబ్బతిన్నాయని కెన్యా రెడ్‌క్రాస్‌ సొసైటీ ప్రతినిధులు తెలిపారు. 51 మంది ప్రయాణికులతో వెళుతున్న బస్సు కొట్టుకుపోగా.. అందరినీ రక్షించినట్లు పేర్కొన్నారు.