బంజారాహిల్స్: తింటున్న బిర్యానీలో బొద్దింక ప్రత్యక్షం

హైదరాబాద్‌లో బిర్యానీలో బొద్దింక కలకలం రేపింది. బంజారాహిల్స్ రోడ్ నెంబర్ 3 లోని బిర్యానీవాలా హోటల్‌లో ఓ యువకుడు బిర్యానీ తింటుండగా అందులో బొద్దింక కనపడింది. దీంతో బాధితుడు హోటల్ సిబ్బందిని ప్రశ్నించగా బొద్దింక వస్తే మేము ఏం చేస్తాం అంటూ హోటల్ నిర్వాహకులు నిర్లక్ష్యంగా మాట్లాడుతున్నారని బాధితుడు ఆందోళనకు గురయ్యాడు. తక్షణమే అధికారులు స్పందించి బిర్యానీ సెంటర్‌పై చర్యలు తీసుకోవాలని బాధితుడు కోరుతున్నాడు.