ముత్యాలమ్మ ఆలయంలో మంత్రి కొండ సురేఖ ప్రత్యేక పూజలు

సికింద్రాబాద్ కుమ్మరిగూడలో శ్రీ ముత్యాలమ్మ అమ్మవారి విగ్రహ పునః ప్రతిష్ఠ కార్యక్రమం బుధవారం ఘనంగా జరిగింది. ఈ కార్యక్రమానికి మంత్రి కొండా సురేఖ ముఖ్య అతిథిగా పాల్గొన్నారు. అమ్మవారికి పట్టు వస్త్రాలు సమర్పించి ప్రత్యేక పూజలు చేశారు. ఈ కార్యక్రమంలో కంటోన్మెంట్ ఎమ్మెల్యే శ్రీ గణేశ్, కాంగ్రెస్ పార్టీ నాయకురాలు కోట నీలిమ, దేవాదాయ శాఖ అధికారులు పాల్గొన్నారు.