హైదరాబాద్: ఇకపై ఆర్టీసీ బస్సుల్లో డిజిటల్ చెల్లింపులు

గ్రేటర్ హైదరాబాద్ పరిధిలోని ఆర్టీసీ బస్సుల్లో ప్రయాణించే వారికి ఆర్టీసీ సంస్థ శుభవార్త చెప్పింది. ఇక నుంచి ఆర్టీసీ బస్సుల్లో చిల్లర సమస్య లేకుండా డిజిటల్‌ చెల్లింపుల ప్రక్రియకు ఆర్టీసీ శుక్రవారం సిద్దమైంది. కొన్ని బస్సుల్లో ప్రయోగాత్మకంగా అమలు చేస్తుండగా త్వరలోనే గూగుల్‌ పే, ఫోన్‌పే, పేటీఎం, QR కోడ్‌ స్కానింగ్‌తో పాటు క్రెడిట్, డెబిట్ కార్డు స్వైపింగ్‌తో ప్రయాణికులకు టికెట్ కొనే వెసులుబాటు కలిగించనున్నారు.