ఘనంగా పద్మభూషణ్ డా.ఏ ఎస్ రావు 19 వ వర్ధంతి వేడుకలు

పద్మభూషణ్ డా. ఏ ఎస్ రావు 19 వ వర్ధంతి వేడుకలను డాక్టర్ హోమీ జె బాబా కమ్యూనిటీ హాల్ లో మంగళవారం ఘనంగా నిర్వహించారు. ఈ సందర్భంగా స్ఫూర్తి, అభ్యుదయ ఆర్ట్స్ కళాకారుల ఆధ్వర్యంలో తపస్సు నాటిక కార్యక్రమాన్ని నిర్వహించారు. ఈ కార్యక్రమానికి ముఖ్య అతిథులుగా ప్రముఖ సీనియర్ జర్నలిస్టు పాశం యాదగిరి, మాజీ కార్పొరేటర్ కొత్త రామారావు లు హాజరయ్యారు. అనంతరం పాశం యాదగిరి మాట్లాడుతూ.. ఏ. ఎస్. రావు జీవిత చరిత్ర పాఠ్యపుస్తకాలలో ఏర్పాటుకు రాష్ట్ర ప్రభుత్వం కృషి చేయాలన్నారు. సినీపరిశ్రమ దర్శక నిర్మాతలు స్పందించి సినిమా నిర్మించి అందుబాటులోకి తేవాలని సూచించారు. ఈ కార్యక్రమంలో ఈసీఐఎల్ ఎంప్లాయిస్, రిటైర్డ్ ఎంప్లాయిస్, కాలనీవాసులు, తదితరులు పాల్గొన్నారు.