ఫైనల్‌‌కు దూసుకెళ్లిన భారత్

మహిళల ఆసియా ఛాంపియన్స్ ట్రోఫీ హాకీ టోర్నమెంట్‌లో భారత్ ఫైనల్‌కి దూసుకెళ్లింది. ఇవాళ జపాన్‌తో జరిగిన మ్యాచ్‌లో 2-0 తేడాతో విజయం అందుకుని ఫైనల్‌ చేరింది. ఈ మ్యాచ్‌లో తొలి మూడు క్వార్టర్లలో ఇరు జట్లు గోల్‌ చేయలేకపోయాయి. చివరిలో భారత్ తరఫున నవనీత్ పెనాల్టీ స్ట్రోక్‌లో గోల్ చేయగా, సునేలిత, లాల్‌రెమ్సియామి రెండో గోల్ చేశారు. దీంతో రెండు గోల్స్‌తో విజయం సాధిచింది. ఇక, బుధవారం జరిగే ఫైనల్లో భారత్ చైనాతో తలపడనుంది.