బాన్సువాడ: రాత్రి వేళల్లో కలప దొంగలు హల్ చల్

రుద్రూర్, కోటగిరి, పోతంగల్, వర్ని ప్రాంతాల్లో భారీ వృక్షాలను నరుకుతూ సొమ్ము చేసుకుంటున్నారు. అటవీ భూములు, రైతుల పంట పొలాల వద్ద వృక్షాలు అక్రమ కలప వ్యాపారుల చేతుల్లో చిత్తవుతున్నాయి. చెట్లను కొట్టాలంటే అటవీ అధికారుల అనుమతులు తప్పనిసరి. ఇవేమీ లేకుండా ఉదయం చెట్లను కొట్టి ఓ మూలన దుంగలను ఉంచి రాత్రివేళలో గుట్టుగా తరలిస్తున్నారని మంగళవారం స్థానికులు తెలిపారు. అధికారులు దీనిపై దృష్టి పెట్టాలన్నారు.