ముదిగొండ మండలంలో భారీ వర్షం

ఖమ్మం జిల్లా ముదిగొండ మండలంలో శుక్రవారం సాయంత్రం భారీ వర్షం కురిసింది. మధ్యాహ్నం వరకు వాతావరణం మామూలుగానే ఉన్నా ఆతర్వాత ఒక్క సారిగా చల్లబడింది. అనంతరం పలుచోట్ల వర్షం కురవడంతో రైతులు ఆందోళనకు గురయ్యారు. చేతికొచ్చిన పత్తి, ఇతర పంటలకు వర్షం నష్టం చేస్తోందని దిగులు చెందారు. వర్షానికి వివిధ ప్రాంతాల నుంచి వచ్చిన ప్రజలు, వాహనదారులు ఇబ్బందులు పడ్డారు.