వరద బాధితులకు సాయం అందలేదు: వీరభద్రం

ఖమ్మం రూరల్ మండలం పెద్దతండా గ్రామపంచాయతీ కేబీఆర్ నగర్-2 వరద బాధితులకు సాయం అందలేదని తెలంగాణ గిరిజన సంఘం జిల్లా కార్యదర్శి భూక్య వీరభద్రం అన్నారు. ఈ మేరకు బుధవారం స్థానిక తహశీల్దార్ కార్యాలయం ఎదుట ధర్నా నిర్వహించి వినతిపత్రం అందజేశారు. అధికారులు సర్వే చేసి పేర్లు నమోదు చేసుకున్నప్పటికి ప్రభుత్వ నష్టపరిహారం రూ. 16, 500 బాధితులకు అందలేదని చెప్పారు. లిస్టులో తమపేర్లు లేదని బాధితులు ఆందోళన చేపట్టారు.