మంచిర్యాల: మట్టి పాత్రల తయారీపై శిక్షణ ప్రారంభం

ఖాదీ, గ్రామీణ పరిశ్రమల కమిషన్ ఆధ్వర్యంలో సోమవారం మంచిర్యాలలో మట్టి పాత్రల తయారీపై శిక్షణ ప్రారంభమైంది. కుమ్మర వృత్తిదారులకు మాస్టర్ ట్రైనర్స్ ఆధునిక యంత్రాలతో శిక్షణ ఇచ్చి ఉచితంగా ఎలక్ట్రిక్ సారెలను పంపిణీ చేయనున్నారు. మట్టి పాత్రలలో వండుకొని తినడం వల్ల ఎలాంటి జబ్బులకు లోను కాకుండా ఉండవచ్చని కుమ్మర సంఘం జిల్లా అధ్యక్షులు గంగాధరి తిరుపతి, రాష్ట్ర ఉపాధ్యక్షులు నాంపల్లి శ్రీనివాస్ తెలిపారు.