నేడు తెలుగు రాష్ట్రాల్లో మోస్తరు వర్షాలు

ఇవాళ తెలుగు రాష్ట్రాల్లో మోస్తరు నుంచి భారీ వర్షాలు కురిసే అవకాశం ఉన్నట్లు వాతావరణ శాఖ తెలిపింది. ఏపీలో రాయలసీమతో పాటు ఉమ్మడి శ్రీకాకుళం, వైజాగ్, విజయనగరం, తూ.గో., ప.గో., కృష్ణా తదితర జిల్లాల్లో వర్షాలు కురుస్తాయని వెల్లడించింది. ఇక తెలంగాణలో ద్రోణి ప్రభావంతో నేడు, రేపు అక్కడక్కడ తేలికపాటి వానలు పడతాయంది. ఎల్లుండి నుంచి భారీ వర్షాలు కురిసే అవకాశముందని అంచనా వేసింది.