NEET పేపర్ లీకేజీ వెనుక ఉన్న వ్యక్తులను బయటపెట్టేందుకు కోర్టు పర్యవేక్షణలో విచారణ జరిపించాలని సమాజ్వాదీ పార్టీ అధ్యక్షుడు అఖిలేష్ యాదవ్ డిమాండ్ చేశారు. గురువారం లక్నోలో మీడియాతో మాట్లాడారు. పేపర్ లీక్ కారణంగా యూజీసీ-నెట్ పరీక్షను రద్దు చేయడంపై కేంద్ర ప్రభుత్వంపై ఆయన విమర్శలు గుప్పించారు. నీట్ పరీక్షలో అవకతవకలు జరగడం వల్ల అర్హత, సమర్థత కలిగిన వైద్యుల కొరత పెరుగుతుందన్నారు.