శ్రీ నాగ లింగేశ్వర ఆలయంలో ప్రత్యేక పూజలు

ఆర్మూర్ పట్టణంలోని ఎమ్మెల్యే క్యాంపు కార్యాలయం ఆవరణలో ఉన్న శ్రీ నాగ లింగేశ్వర ఆలయంలో సోమవారం ప్రత్యేక పూజలు నిర్వహించారు. ఈ సందర్భంగా శివలింగానికి ప్రత్యేక అలంకరణ చేసి బిల్వపత్రాలను వేసి పూజలు చేశారు. భక్తులు పెద్ద సంఖ్యలో వచ్చి శివలింగానికి పాలాభిషేకం నిర్వహించారు. సాయంత్రం భక్తులకు అన్నదాతలు అల్పాహారాన్ని అందిస్తున్నట్లు కమిటీ సభ్యులు తెలిపారు.