ప్రైవేట్ స్కూల్ బస్సు బోల్తా.. విద్యార్థులకు గాయాలు

అనంతపురం జిల్లా గుమ్మఘట్ట మండలం గోనబావి క్రాస్ రోడ్డు వద్ద ఆదివారం ఓ ప్రైవేటు స్కూల్ బస్సు బోల్తా పడింది. ఈ ఘటనలో పలువురు విద్యార్థులు గాయపడ్డారు. రిపబ్లిక్ డే సందర్భంగా రాయదుర్గం ఏవీఆర్ స్కూల్ బస్సు విద్యార్థులను తీసుకెళ్తుండగా ఈ ఘటన జరిగింది. ఈ ప్రమాదంలో గాయపడిన విద్యార్థులను స్థానికులు వెంటనే ఆసుపత్రికి తరలించారు. ప్రమాదం జరిగిన వెంటనే డ్రైవర్ పరారయ్యాడు.