నేటి నుండి ఒంటి పూట బడులు

ఎండ తీవ్రతను బట్టి ప్రభుత్వ ఆదేశాల మేరకు అంగన్వాడి కేంద్రాలలో ఒంటి పూట బడులు నిర్వహిస్తున్నామని ఐసిడిఎస్ ప్రాజెక్ట్ అధికారి సుజాత సోమవారం ఒక ప్రకటనలో తెలిపారు. ఈ సందర్భంగా ఆమె మాట్లాడుతూ ఉదయం 8:30 నుండి మధ్యాహ్నం 12 గంటల వరకు అంగన్వాడి కేంద్రాలు పని చేస్తాయన్నారు.

అంగన్వాడి కేంద్రం నుంచి లబ్ధిదారులు, విద్యార్థుల తల్లిదండ్రులు ఈ విషయాన్ని గమనించాలన్నారు. ఆయా సెంటర్లో విధులు నిర్వహిస్తున్న అంగన్వాడీ, ఆయలు, టీచర్లు, సమయ భావన పాటిస్తూ అంకితభావంతో పనిచేయాలని ఆమె సూచించారు.