దుబ్బాక: బైక్ కు నిప్పు... సీసీ కెమెరా పుటేజి

సిద్ధిపేట జిల్లా దుబ్బాక మున్సిపల్ పరిధిలోని లచ్చపేట 11వ వార్డుకు చెందిన ఎండి ముస్తఫాకు చెందిన బైక్ ను గుర్తుతెలియని వ్యక్తి అర్ధరాత్రి నిప్పుపెట్టారు. ముస్తఫా రోజు మాదిరిగానే శుక్రవారం రాత్రి ఇంటి ముందు బైక్ పార్క్ చేశాడు. శనివారం 2: 27 గంటల సమయంలో బైక్ పై ఓ వ్యక్తి పెట్రోల్ పోసి నిప్పంటించి పరారయ్యారు. ఈ ఘటన స్థానిక సీసీ కెమెరాలో రికార్డు కాగా బాధితుడు పోలీసులకు సమాచారం ఇచ్చారు.