గజ్వేల్ మండలం - Gajwel Mandal

జిల్లాలో శాంతి భద్రతలకు పెద్దపీట వేయాలని రాష్ట్ర డీజీపీ జితేందర్ పోలీస్ అధికారులకు సూచించారు. సిద్దిపేట పోలీసు కమిషనరేట్ ను డీజీపీ సందర్శించిన సందర్భంగా సిద్ధిపేట పోలీసు కమిషనర్ అనురాధ డీజీపీకి స్వాగతం పలికారు. పోలీసు గౌరవ వందనాన్ని స్వీకరించిన అనంతరం కార్యాలయ పరిసరాలను పరిశీలించారు. అనంతరం పోలీసు అధికారులతో నిర్వహించిన సమీక్షా సమావేశంలో మాట్లాడుతూ సంఘ విద్రోహశక్తులపై పటిష్టమైన నిఘా ఏర్పాటు చేయాలన్నారు.