ఉద్యోగం లేక, పెళ్లైతే భార్యను పోషించుకోలేనని పెళ్లికి ఒక రోజు ముందు ఆత్మహత్య చేసుకున్న వరుడు

నిజామాబాద్‌ జిల్లాలో కన్నీళ్ళు పెట్టించే ఘటన చోటుచేసుకుంది. మిట్టాపల్లి గ్రామానికి చెందిన మాసిపెద్ది ప్రశాంత్‌ (29) బీటెక్‌ పూర్తి చేసి ఉద్యోగం కోసం ప్రయత్నించినా జాబ్ రాలేదు. ఈ క్రమంలోనే తల్లిదండ్రులు ఓ యువతితో తనకి పెళ్లి సంబంధం కుదిర్చారు. శనివారం వీరి పెళ్లి జరగాల్సి ఉంది. అయితే జాబ్ లేని తను పెళ్లైతే భార్యను చూసుకోవడం భారం అవుతుందని భావించాడు. ఈ మేరకు గురువారం స్నేహితుడికి ఫోన్ లో ఈ విషయం చెప్పి పురుగుల మందు తాగి ఆత్మహత్య చేసుకున్నాడు.