మంత్రి కొల్లు రవీంద్ర హామీ మేరకు ఆందోళన విరమించిన గుడ్లవల్లేరు కాలేజీ విద్యార్థినులు

కృష్ణా జిల్లా గుడ్లవల్లేరులోని ఇంజినీరింగ్ కళాశాలలో విద్యార్థినులు ఆందోళనను విరమించారు. హాస్టల్ వాష్ రూమ్‌ లో రహస్య కెమెరాలు పెట్టారంటూ ఆందోళన చేస్తున్న విద్యార్థినులతో మంత్రి కొల్లు రవీంద్ర చర్చలు జరిపారు. ఈ ఘటనపై మంగళవారం నాటికి విచారణ పూర్తి చేస్తామని, ఎలాంటి వీడియోలు బయటకు రానీయకుండా చర్యలు తీసుకుంటామని ఆయన హామీ ఇచ్చారు. విద్యార్దినులకు రక్షణగా మహిళా పోలీసు టీంను ఏర్పాటు చేస్తామన్నారు. మంత్రి హామీ మేరకు విద్యార్థినులు ఆందోళన విరమించారు.