ఈసారి ఐపీఎల్ వేలానికి 13 ఏళ్ల బాలుడు

ఐపీఎల్‌ 2025 మెగా వేలానికి ముందు ఓ ఆసక్తికర వార్త చక్కర్లు కొడుతోంది. ఈసారి 13 ఏళ్ల బాలుడు ఐపీఎల్ వేలం బరిలో నిలిచాడు. బిహార్‌లోని తాజ్‌పుర్ గ్రామానికి చెందిన వైభవ్ సూర్యవంశీ 2011లో జన్మించాడు. ఈ కుర్రాడు ఆ రాష్ట్ర రంజీ టీమ్ తరఫున దేశవాళీ క్రికెట్ ఆడుతున్నాడు. 12 ఏళ్ల 284 రోజుల వయసులోనే ఫస్ట్ క్లాస్ క్రికెట్‌లోకి అరంగేట్రం చేసి చరిత్ర సృష్టించాడు. భారత క్రికెట్‌లో సంచలనంగా మారిన ఈ కుర్రాడిని ఫ్రాంచైజీలు కొనుగోలు చేసే అవకాశం ఉంది.