మరింత పెరగనున్న టమాటా ధరలు

ఇప్పటికే టమాటా సహా ఇతర కూరగాయల ధరలు సామాన్యున్ని బెంబేలెత్తిస్తున్నాయి. ప్రస్తుతం మార్కెట్ లో కిలో టమాటా రూ.150కి చేరుకుంది. అయితే, వర్షాలు, వరదల వల్ల రాబోయే రోజుల్లో టమాటా సహా అన్ని కూరగాయల ధరలు పెరగవచ్చని తెలుస్తోంది. వర్షాల తాకిడికి రహదారులు దెబ్బతినగా, కూరగాయల రవాణా స్తంభించిపోయింది. కూరగాయల సాగు తగ్గడం కూడా ఈ పరిస్థితికి కారణమని అధికార వర్గాలు పేర్కొంటున్నాయి.