జమ్మూకశ్మీర్‌లో భద్రతా బలగాలు, ఉగ్రవాదుల మధ్య కాల్పుల్లో అమరులైన ఇద్దరు సైనికులు

జమ్మూకశ్మీర్‌లోని కిష్త్వార్‌లో శుక్రవారం ఉగ్రవాదులతో జరిగిన ఎదురుకాల్పుల్లో ఇద్దరు సైనికులు ప్రాణాలు కోల్పోయారని భారత సైన్యం తెలిపింది. ఉగ్రవాదుల కదలికలపై అందిన సమాచారంతో కిష్త్వార్‌లోని చత్రూ ప్రాంతంలో J&K పోలీసులతో సంయుక్త ఆపరేషన్ ప్రారంభించినట్లు సైన్యం తెలిపింది. ఈ సందర్భంగా చెలరేగిన ఎదురుకాల్పుల్లో ఇద్దరు సైనికులు మృతి చెందగా, మరో ఇద్దరు తీవ్రంగా గాయపడ్డారు. ఉగ్రవాదుల కోసం ఆపరేషన్ కొనసాగుతోందని పేర్కొన్నారు.