పెద్దేముల్: సీపీఆర్ మెమోరియల్ క్రికెట్ టోర్నమెంట్ విజేత ప్రిన్స్‌ లెవన్‌

పెద్దేముల్ మండల కేంద్రంలో వారం రోజులుగా చిట్టెపు ప్రకాష్ రెడ్డి మెమోరియల్‌ క్రికెట్‌ టోర్నమెంట్‌ కొనసాగింది. ఈ టోర్నమెంట్‌లో  పెద్దేముల్‌ ప్రిన్స్‌ లెవన్‌ జట్టు గెలుపొందింది. విజేతగా నిలిచిన జట్టుకు కప్పుతో పాటు రూ. 21వేలు నగదు, రన్నర్‌గా నిలిచిన తట్టెపల్లి జట్టుకు రూ. 11వేలు నగదుతో పాటు ట్రోఫీని సోమవారం అందజేశారు. ఈ కార్యక్రమంలో నిర్వాహకులు రాఘవేందర్‌రెడ్డి, కోట్ పల్లి మార్కెట్‌ కమిటీ వైస్‌చైర్మన్‌, తదితరులు పాల్గొన్నారు.